همسات من نور

منعوني عنك صدك رادوني انساك
مايدرون عشت العمر اسمه مجنونك
مااكدراعوفك واعشق اني الغير
لأن دكات كلبي توكف بدونك
اني بعدك اضيع ومالي عنوان
... ... بصحراء أظل اتخيلك وأرسم عيونك
من تضحك الي الدنيا تضحكلي
وافرح لوأصير بظلمه مسجونك
اني بدونك اعيش ريشة بالكاع
ولو فر بيه الزمن اوكع على جفونك
ولو بعدوني عنك لا تظن انساك
يظل حبك بالقلب هيهات ما خونك
ولو رايد تحب بعدي عادي.. تدري ليش؟
حتى تشوف همة اشراح ينطونك
اتحدى التحبهم وخل عني يحجون
وجربهم وكولي بيش يفدونك